ტოსკანური გუნდის საუკეთესო შედეგად აქამდე ითვლებოდა მეოთხედფინალი - 1986, 1988 და 2007 წლებში. პირველ შემთხვევაში აღნიშნულ გუნდს აჯობა ფლორენციის ფიორენტინამ, შემდეგ კი ორივეჯერ მილანის ინტერმა. გავიდა ათწლეულები და "ლურჯებმა" საუკეთესო შედეგს მიაღწიეს.
კარლო კასტელანის ბინადრების ისტორიულ წარმატებაში თავისი წვლილი შეიტანა საბა გოგლიჩიძემაც, რომელიც "ბიანკონერისთან" შეხვედრაშიც მოედანზე იმყოფებოდა. როგორც ვიცით, ქართველი უკანახაზელი რობერტო დ'ავერსას გუნდში ატარებს სადებიუტო სეზონს და ამის გარდა, გუშინდელი მატჩი იტალიის თასზე მისთვის ასევე პირველი იყო.
ემპოლის მოწინააღმდეგე კოპა იტალიას ნახევარფინალში იქნება ბოლონია, შეხვედრა 23 აპრილს გაიმართება. აღნიშნული ბარიერის გადალახვის შემთხვევაში, "აძური" იტალიის თასის ფინალში ინტერსა და მილანს შორის ერთ-ერთს დაუპირისპირდება.
