უეფას სუპერთასის შეხვედრა პსჟ-სა და ტოტენჰემს შორის, საკმაოდ დაძაბული გამოდგა და ძირითადი დრო ფრედ 2:2 დასრულდა.
თამაშის დასაწყისიდანვე ნათელი იყო, რომ პსჟ-ს რთული თამაში ელოდა, რადგან ტოტენჰემი ყველა ეპიზოდში ბოლომდე იბრძოდა და ტაქტიკურად გამართული იყო.
39-ე წუთზე ანგარიში ვან დერ ვენმა გახსნა, 49-ე წუთზე კი რომერომ ანგარიში ორამდე გაზარდა.
თითქოს პსჟ უშანსოდ იყო, თუმცა ლუის ენრიკემ ცვლილებები გამოიცნო - ლიმ სხვაობა შეამცირა, რამოშმა კი გაათანაბრა და საქმე პენალტების სერიამდე მივიდა.
პსჟ-ს ქართველი ფეხბურთელი ხვიჩა კვარაცხელია ძირითად შემადგენლობაში იყო და მოედანი მე-60 წუთზე გავიდა.
პენალტების სერიაში გამარჯვება პსჟ-ს დარჩა და გუნდმა ეს ტიტული ისტორიაში პირველად მოიგო.
