როგორც მოსალოდნელი იყო, ფრანგი ფეხბურთელი სავსე სანტიაგო ბერნაბეუს წინაშე წარსდგა.
ცნობილია მბაპეს ანაზღაურებაც. ის, დაახლოებით 15 მილიონი ევრო იქნება, რაც პსჟ-ზე ნაკლები ხელფასია, თუმცა ამას ბონუსები დაემატება და საბოლოო ჯამში, მბაპე ამ თანხაზე კიდევ 2-ჯერ მეტს გამოიმუშავებს.
ამასთანავე, კლუბის იმიჯის უფლებების 60-დან 80%-მდე მბაპესი იქნება. კონტრაქტზე ხელმოწერის ბონუსი 100 მილიონ ევროს ითვალისწინებს, რომელიც 5 წელიწადზე გადანაწილდება.
კონტრაქტში წერია, რომ თუ მბაპე ინდივიდუალურ წარმატებას მიაღწევს და ოქროს ბურთს მოიგებს, რეალი დამატებით თანხას გადაუხდის.
ამ ყველაფრის გათვალისწინებით და შემოსავლების მიხედვით, მბაპე რეალის ისტორიაში ყველაზე მაღალანაზღაურებადი ფეხბურთელი იქნება.
