კრემონეზეს თავდამსხმელმა, ჯეიმი ვარდიმ დაასახელა თავისი კერპი, ვის გამოც ის სერია ა-ში გადავიდა. ვეტერანი შემტევისთვის ასეთი მოთამაშე ალექს დელ პიერო არის. შეგახსენებთ, ინგლისელი ფორვარდი გასულ თვეში დასახელდა კალჩოს საუკეთესო ფეხბურთელად და ამის გარდა, მან რამდენიმე რეკორდის დამყარებაც მოასწრო.
"როდესაც ვფიქრობ იტალიაზე, ყოველთვის მახსენდება ჩემი კერპი - დელ პიერო. ბავშვობაში ყველაზე ხშირად მის თამაშს ვადევნებდი თვალს. კრემონაში გადასვლა? მესმის, ბევრი ამ ყველაფერს უყურებდა სკეპტიკურად, მაგრამ მე დაგიმტკიცებთ, რომ ცდებით. ჩემთვის, ასაკი მხოლოდ ციფრებია."
საინტერესოა, რომ ბოლონიას კარში გატანილი გოლის მომენტისთვის ინგლისელი თავდამსხმელი იყო 38 წლის, 10 თვისა და 20 დღის, რითაც ის გახდა ყველაზე ხანდაზმული მოთამაშე, რომელსაც "გრიგიოროსის" მაისურით კალჩოს უმაღლეს დივიზიონში თავი გამოუჩენია.
