"იტალიის საუკეთესო გუნდი? მომდევნო ტურში ის ჩვენი მეტოქეა" - ალეგრი

ტურინის იუვენტუსის მთავარმა მწვრთნელმა, მასიმილიანო ალეგრიმ სასკუდეტო ბრძოლაში მთავარი ფავორიტი დაასახელა. იტალიელი სპეციალისტის აზრით, ეს გუნდი მილანის ინტერია. შეგახსენებთ, რომ 4 თებერვალს, ჩვენი დროით 23:45 საათზე, ბებერი ქალბატონი გასვლაზე სწორედ ნერაძურის დაუპირისპირდება.

"იტალიურ დერბიში მონაწილეობის მიღება ყოველთვის სასიამოვნოა, ჯუზეპე მეაცას ტრიბუნები სავსე იქნება. მივდივართ იმისთვის, რომ ინტერის სახით, მაქსიმალურ შედეგს სერია ა-ს საუკეთესო კლუბის წინააღმდეგ მივაღწიოთ. დიახ, სკუდეტოს მოგების მთავარი ფავორიტები სწორედ ისინი არიან", - განაცხადა იტალიელმა მწვრთნელმა.

შეგახსენებთ, რომ სატურნირო ცხრილში, ამ დროისთვის ლიდერობს სწორედ მილანური კლუბი, რომელსაც 54 ქულა აქვს. მეორეადგილოსან "ბიანკონერის" აქვს ერთი ქულით ნაკლები, მაგრამ აღსანიშნავია ისიც, რომ "ნერაძურის" ერთი მატჩი თადარიგში აქვს. კალჩოს ბოლო ტურში "გველებმა" დაამარცხეს ფლორენციის ფიორენტინა, ალეგრის გუნდმა კი ემპოლისთან ფრე ითამაშა.