დღეს, ალიანს არენაზე ჩემპიონთა ლიგის 2024/25 წლების სეზონის ფინალი გაიმართება, სადაც ერთმანეთს პარი სენ ჟერმერნი და ინტერი დაუპირისპირდებიან.
ფინალური მატჩის წინ, ქართული ფეხბურთის ლეგენდამ, გიორგი ქინქლაძემ სოციალური ქსელის დახმარებით ხვიჩა კვარაცხელიას მიმართა და წარმატებები უსურვა.
"დღეს ქართული ფეხბურთის ისტორიაში განსაკუთრებული დღეა. ხვიჩა კვარაცხელიას ჩემპიონთა ლიგის ფინალში თამაშით არა მხოლოდ საკუთარი მიზნის მიღწევა შეძლო, არამედ მთელი ერის ოცნებები გააცოცხლა.
ხვიჩა, შენ უკვე ისტორია ხარ. ითამაშე გულით, გაბედულად და იცოდე რომ მთელი საქართველო შენს გვერდითაა. წადი და დაამკვიდრე შენი სახელი ფეხბურთის უმაღლეს საფეხურზე."
უეფას ჩემპიონთა ლიგის 2024/25 წლების სეზონის ფინალი დღეს, თბილისის დროით 23 საათზე დაიწყება.
