ალ-ნასრის კაპიტანმა, კრიშტიანუ რონალდუმ ინტერ მაიამის წინააღმდეგ დაგეგმილი ამხანაგური შეხვედრა შესაძლოა გამოტოვოს. საქმე ისაა, რომ პორტუგალიელი ამჟამად ტრავმირებულია.
რიადულ კლუბს ჯერჯერობით არაფერი დაუდასტურებია, თუმცა ადგილობრივი პრესა ამტკიცებს, რომ მადრიდის რეალის ყველა დროის საუკეთესო გოლეადორი ლაზარეთში რამდენიმე კვირას გაატარებს.
არაბული გუნდის შვიდიანი დიდი ალბათობით ასევე გამოტოვებს თავისი კლუბის ჩინურ ტურნეს, რომლის მიმდინარეობისას დაგეგმილია ორი ამხანაგური მატჩი.
რაც შეეხება ლიონელ მესის გუნდთან შეხვედრას, აღნიშნული დაპირისპირება 1 თებერვალს არის ჩანიშნული. ცნობისთვის, ფლორიდელებმა უკვე დაადასტურეს არგენტინელის მწყობრში ყოფნა.
