ბარსელონასა და მილანის ინტერის მატჩის (3:3) დასრულების შემდეგ, კომენტარი გააკეთა სტუმრების მთავარმა მწვრთნელმა, სიმონე ინძაგიმ. იტალიელი ტაქტიკოსი ჰენრიხ მხითარიანის მიერ გატანილი ბურთის გაუქმების გადაწყვეტილებას არ ეთანხმება. ამის გარდა, კატალონიელთა მხრიდან "ნერაძურის" დამრიგებელმა ლამინ იამალი გამოარჩია.
"მხითარიანის გაუქმებული გოლი? მე ვერ ვხვდები, თუ რატომ მიიღეს ეს გადაწყვეტილება. ძალიან ვწუხვარ, რადგან ეს მომენტი განმეორებითი შეხვედრის მიმდინარეობაზე უდიდეს გავლენას მოახდენდა. რაც არ უნდა იყოს, ინტერით კმაყოფილი ვარ, რადგან მსოფლიოს საუკეთესო გუნდს არაფერი დავუთმეთ.
იამალი? უკანასკნელი რვა ან ცხრა წლის მანძილზე მსგავსი ფეხბურთელი მე არ მინახავს. მან შეგვიქმნა უამრავი პრობლემა, რის გამოც ლამინს ხშირ შემთხვევაში დამატებითი მეურვეობაც სჭირდებოდა. იყო მომენტები, როდესაც მის წინააღმდეგ თამაში ჩვენი გუნდის 3 ფეხბურთელსაც უწევდა."
