რომა - მილანი ევროპა ლიგის 1/4 ფინალში
"ეს იყო დე როსის ტაქტიკური გამარჯვება. ის იყო დიდებული ფეხბურთელი, ახლა ძალიან იმედისმომცემი მწვრთნელია, ზოგადად კი საოცარი პიროვნებაა. დანიელე გავიცანი მაშინ, როდესაც ძალიან პატარა იყო. ცოტას საუბრობდა, ბევრს ისმენდა და აკეთებდა. მას შეუძლია გახდეს რომას ფერგიუსონი. რაც შეეხება საპასუხო მატჩს, მხოლოდ იმას ვიტყვი, რომ საინტერესო თამაში გველის".
დიბალა თუ ლეაო?
"ორივე ფენომენალური ფეხბურთელია. ისინი თავიანთი გუნდებისთვის ძალიან სასარგებლოები არიან და ამასთან ერთად, მაყურებელს ლამაზ სანახაობას ჩუქნიან. რთულია მათ შორის გამორჩევა, ორივე ძალიან მომწონს".
საუკეთესო მოგონება რომადან და მილანიდან
"მილანთან ერთად მოვიგე უამრავი ტიტული, თუმცა ყველაზე ტკბილად მახსენდება გუნდის გულშემატკივრების საოცარი დამოკიდებულება. რაც შეეხება რომას, 2001-ში მოგებული სკუდეტო იყო საოცრება, ამ წარმატებას გუნდის ქომაგები ხომ დიდხანს ელოდნენ. ასევე მინდა გამოვარჩიო ნედვედთან გაკეთებული ფინტი რომაულ დერბიში".
ვინ არის ახალი კაფუ?
"ჩემთვის, საუკეთესო მარჯვენა მცველები არიან ჰაკიმი, უოკერი და ალექსანდერ-არნოლდი. ნუ დავუძახებთ მათ ახალ კაფუებს, მათ თავიანთი სახელი აქვთ".
საუკეთესო თანაგუნდელი
"ტექნიკური თვალსაზრისით, რონალდინიო. სისწრაფითა და ფიზიკური მონაცემებით რონალდო. როდესაც ბურთი მას ჰქონდა, მოწინააღმდეგე განწირული იყო. ასევე მინდა გამოვარჩიო ტოტი, რომელსაც ყველა კომპონენტი და თვისება ჰქონდა".
მთავარი ტიტული
"2002 წლის მსოფლიო ჩემპიონობა. ამას ვერაფერი შეედრება. იმ ტურნირზე კაპიტანი ემერსონი უნდა ყოფილიყო, თუმცა ტრავმა მიიღო და მუნდიალი გამოტოვა. კაპიტანი მე ვიყავი და თასიც მე აღვმართე".
