საქართველოს 18 წლამდე კალათბურთლთა ნაკრებმა რუმინეთში მიმდინარე ევროპის ჩემპიონატის B დივიზიონში მნიშვნელოვანი გამარჯვება მოიპოვა. ჩვენმა გუნდმა უკრაინის ნაკრებს 93:72 მოუგო და ჯგუფიდან გასვლის შანსი შეინარჩუნა.
უკრაინასთან მატჩში საქართველოს U18 ნაკრებიდან საუკეთესო იყო მათე ხატიაშვილი, რომელმაც 27 ქულა და 6 პასი მიითვალა. 27 ქულა ჰქონდა ლუკა ტაბაღუასაც, რომელმაც ასევე 5 მოხსნა და 3-3 ჩაჭრა-პასი მიითვალა. 14 ქულა დააგროვა გიორგი ჭირაქაძემ.
იმისტვის რომ საქართველო პლეი ოფში რომ გავიდეს, ბლო ტურში საქართველომ მასპინძელ რუმინეთს უნდა მოუგოს, ხოლო პორტუგალიამ უკრაინასთან შეხვედრა უნდა დათმოს. ასე თუ მოხდა, 3 გუნდი – საქართველო, რუმინეთი და პორტუგალია თანაბარ ქულებს აგროვებენ და ყველაფერს ამ გუნდებს შორის ურთიერთშეხვედრებში ჩაგდებული ბურთები გადაწყვეტს. საქართველოს პორტუგალიასთან 4 ქულა აქვს წაგებული და გააჩნია, რუმინეთს რამდენი ქულის აჯობებს. ეს ყველაფერი, ცხადია, იმის გათვალისწინებით დაიანგარიშდა, რომ ბოლო ტურში დანია აშკარა აუტსაიდერ აზერბაიჯანს მოუგებს.
შეგახსენებთ, საქართველოს U18 ნ ნაკრებმა ევროპის ჩემპიონატზე დაძაბულ ბრძოლაში საწყისი 2 მატჩი წააგო, ჯერ პორტუგალიასთან 61:65, შემდეგ კი დანიასთან – 83:85. ამ გუნდებმა შემდეგ კიდევ მოიგეს თამაშები და ჯგუფიდან გასვლის მთავარ კანდიდატებად იქცნენ, საქართველო, კი აზერბაიჯანი დაამარცხა.
საქართველოს U18 ნაკრები ჯგუფის ბოლო მატჩს 30 ივლისს, რუმინეთთან გამართავს.
