კალცონა: "ხვიჩა კვარაცხელია განსაკუთრებული ფეხბურთელია"

ნაპოლის მთავარმა მწვრთნელმა, ფრანჩესკო კალცონამ ტორინოსთან მატჩის შემდეგ ხვიჩა კვარაცხელიაზე და ბარსელონასთან მოახლოებულ მატჩზე ისაუბრა:

"ხვიჩა კვარაცხელია განსაკუთრებული ფეხბურთელია, მას თავიდანვე ვენდობოდი და ვეუბნებოდი, რომ მოედანზე ის გაეკეთებინა, რაც ყველაზე კარგად გამოსდის."

"ძლიერი გუნდი გვყავს და ბარსელონაში ჩვენი ფეხბურთის სათამაშოდ ჩავალთ. აღნიშნული მატჩისთვის სტანდარტულად ვემზადებით და მოწინააღმდეგეს შიშის გარეშე ვეთამაშებით."

იტალიის სერია ა-ს 28-ე ტურში ნაპოლიმ ტორიმო მიიღო და ფრეს დასჯერდა. ანგარიში, 61-ე წუთზე, ხვიჩა კვარაცხელიამ გახსნა, რასაც 3 წუთში ანტონიო სანაბრიამ უპასუხა და მატჩი ფრედ, 1:1 დასრულდა.