ჩემპიონთა ლიგის 1/4 ფინალური ეტაპის პირველ მატჩში რეალის დამარცხების შემდეგ, ბაიერნის ფორვარდმა, ჰარი კეინმა კომენტარი გააკეთა.
"ვიცოდით, რომ მადრიდში სასურველი შედეგის მიღწევა რთული იქნებოდა და ბოლომდე დავიხარჯეთ. კარგად ვითამაშეთ და მეტი გოლის გატანაც შეგვეძლო, თუმცა, მომენტები ვერ დავაგვირგვინეთ."
"განმეორებითი მატჩის წინ კარგ პოზიციაში ვართ, მაგრამ სხვაობა მხოლოდ ერთი ბურთია და ყველაფერი შეიძლება სწრაფად შეიცვალოს. მთავარია კონცენტრაცია შევინარჩუნოთ და 1 კვირაშიც მაღალი დონის ფეხბურთი ვითამაშოთ" — ჰარი კეინი.
გუნდების განმეორებითი დაპირისპირება 1 კვირაში, 15 აპრილს მიუნხენში გაიმართება და ჩემპიონთა ლიგის 1/2 ფინალისტის ვინაობა გაირკვევა.
