იმის მიუხედავად, რომ ბრაზილიის ფეხბურთის ფედერაციასა და კარლო ანჩელოტის შორის წინასწარი სიტყვიერი შეთანხმება შედგა, დიდი შანსია ეს გარიგება ჩაიშალოს! ამ ინფორმაციას ესპანური მედია ავრცელებს, სადაც ნათქვამია, რომ რეალ მადრიდში იტალიელი სპეციალისტის მოქმედებით ძალიან გაბრაზებულები არიან და მათ არ სურთ ანჩელოტიმ გუნდი მსოფლიოს საკლუბო ჩემპიონატის დაწყებამდე დატოვოს. სწორედ ამ მიზეზის გამო, დიდი შანსია იტალიელსა და “სელესაოს” შორის არსებული შეთანხმება დაირღვეს.
რამდენიმე წყაროს ინფორმაციით, პრობლემა შეიქმნა ფინანსურ საკითხთთან დაკავშირებითაც — როგორც ესპანეთში ამბობენ, კარლო ანჩელოტიმ ბოლო მომენტში ბრაზილიის მიერ გაკეთებულ შემოთავაზებაზე უარი განაცხადა.
უახლოეს საათებში ამ პოტენციურ გარიგებასთან დაკავშირებით უფრო მეტი ინფორმაცია გახდება ცნობილი.
