ირაკლი იეგოიანი არნემის ვიტესის სეზონის საუკეთესო ფეხბურთელად დასახელდა. 2024/2025-ის სეზონში მისმა მონაგარმა შეადგინა 37 შეხვედრაში 9 გატანილი ბურთი და 5 ასისტი. გოლს + საგოლე პასის სისტემით, ქართველი შუახაზელი "შავ-ყვითლებში" პირველ პოზიციაზე არის.
სამწუხაროდ, საქართველოს ახალგაზრდული ნაკრების ნახევარმცველის კარგმა თამაშმა გელრედომის ბინადრები ვერ იხსნა - ბოლო, მე-20 პოზიცია 38 ტურის შემდეგ. ჯონ ვან დენ ბრომის გუნდს გრაფაში უწერია 5 ქულა, მაგრამ რეალურად უნდა ჰქონოდა 44, რომ არა ფინანსური დარღვევების შედეგად დაკისრებული სანქციები.
რაც შეეხება 21 წლის ნახევარმცველის აღიარებას, მის გარდა, ვიტესის სეზონის საუკეთესო ფეხბურთელის ჯილდო სხვადასხვა დროს მიუღიათ ისეთ მოთამაშეებს, როგორებიც არიან ფილიპ კოკუ, გურამ კაშია, მეისონ მაუნტი, მარტინ ოდეგორი და სხვები.
