მსოფლიო ჩემპიონატის საკვალიფიკაციო რაუნდის ჯგუფურ ეტაპზე იტალიის ნაკრები ნორვეგიის ეროვნულ გუნდთან 0:3 განადგურდა. გასაკვირი არ არის, რომ იმ შეხვედრაში "სკუადრა აძურამ" რამდენიმე ანტირეკორდი გაიმეორა. მუნდიალის შესარჩევში 3-ბურთიანი სხვაობით "ლურჯებმა" თავიანთ ისტორიაში მესამედ წააგეს.
პირველი შემთხვევა დაფიქსირდა 1957 წელს, როდესაც ალფრედო ფონის გუნდი ანალოგიური ანგარიშით პორტუგალიის ნაკრებმა გაანადგურა. მეორე შემთხვევა გვხვდება არც ისე შორეულ წარსულში, 2017-ში: იტალიამ 0:3 ესპანეთთან წააგო. წუხელ კი პირენეელთა მიღწევა სკანდინავიელებმა გაიმეორეს.
ცალკე გამოსარჩევია ის ფაქტი, რომ გუშინდელ მატჩამდე, "სკუადრა აძურა" არასდროს დამარცხებულა "ვიკინგებთან" ერთბურთიანზე დიდი სხვაობით. ამის გარდა, ეს იყო "ლურჯების" პირველი წაგება ნორვეგიასთან 21-ე საუკუნეში. როგორც ვხედავთ, კრიზისი გრძელდება.
