ჯერ კიდევ სერია ა-ში თამაშის დროს, "ნერაძურის" ყოფილი საყრდენი ნახევარმცველი თავის ახალგაზრდა თანაგუნდელს ახასიათებდა როგორც მსოფლიოში ყველაზე ნიჭიერ ფორვარდს, საპირისპიროდ კი ამომავალი ვარსკვლავი ვეტერან შუახაზელს "დამრიგებელს" უწოდებდა. ასე იყო საფეხბურთო კარიერის დროს, შემდეგ კი მოხდა განხეთქილება.
როგორც აღვნიშნეთ, 48 წლის მწვრთნელის ერთ-ერთი შეგირდი "არწივებში" იყო სწორედ მანჩესტერ სიტის ყოფილი 45 ნომერი, რომელიც დამრიგებელს განხორციელებული ცვლილების გამო აუმხედრდა. ყველაფერი დასრულდა იმით, რომ "სუპერმარიომ" "ზღვისპირელებთან" გაწყვიტა კონტრაქტი და მარსელის ოლიმპიკს მიაშურა.
ვიეირამ 34 წლის თავდამსხმელთან მომხდარი სიტუაცია შეაფასა ასე - "მასთან მუშაობა რთულია. მინდა კედელს მივანარცხო ის, თუმცა სამწუხაროდ ვერ გავაკეთებ ამას, რადგან ფეხბურთელი აღარ ვარ. დამრიგებლად ვმუშაობ და თავშეკავება მმართებს", - აცხადებდა ფრანგი დამრიგებელი ბალოტელის შესახებ, 2018 წელს.
იმის შემდეგ, აღნიშნული დუეტი ერთმანეთის შესახებ კიდევ ბევრს ისაუბრებს. იტალიელი თავდამსხმელი მოგვიანებით იტყვის, რომ ის არასდროს მოისურვებდა "შავ-წითლების" დატოვებას, რომ არა პატრიკი. ეს უკანასკნელი კი მარიოს შესახებ განაცხადებს, რომ ის ვერასდროს გახდება გუნდური მოთამაშე და ახალგაზრდა თაობისთვის სამაგალითო.
2024 წლის შემოდგომა - "როსობლუში" მივიდა ჯერ იტალიის ნაკრების ყოფილი თავდამსხმელი, რამდენიმე კვირის შემდეგ კი ლონდონის არსენალის ლეგენდარული კაპიტანიც. შეგახსენებთ, რომ 48 წლის დამრიგებელმა "გრიფონებში" ალბერტო ჯილარდინო შეცვალა. ვნახოთ, რას შემოგვთავაზებს მისი და "ლურჯ-წითლების" 45-ე ნომრის დუეტი ამჯერად.
