ლივერპულთან გასამართი განმეორებითი მატჩის წინ კომენტარი პსჟ-ს მთავარმა მწვრთნელმა ლუის ენრიკემ გააკეთა.
"ამ თამაშის მთავარი სირთულე ის არის, რომ ძალიან ფრთხილად უნდა ვიყოთ. ხაფანგში არ უნდა გავებათ, რადგან ყველა ამბობს, რომ რადგან 2:0 მოვიგეთ და მეტოქეს ვაჯობეთ, შემდეგ ეტაპზე გასვლა არ გაგვიჭირდება, თუმცა ასე არ არის და არ უნდა მოვტყუვდეთ.
ვფიქრობ, რომ ამ თამაშისთვის ზუსტად ისე უნდა მოვემზადოთ, როგორც წინა თამაშებისთვის. ლივერპულს მოუწევს წინ წამოსვლა და შეტევა, ჩემი გუნდი სირთულეებს აუცილებლად წააწყდება და ამისთვის მზად უნდა ვიყოთ.
სირთულეების გადალახვა ჩვენი ერთ-ერთიგამორჩეული თვისებაა. გასულ წელს აუცილებლად უნდა მოგვეგო, რადგან პირველი მატჩი წავაგეთ. წელს პირველი მატჩი მოვიგეთ, მაგრამ მეორე მატჩისთვისაც იგივენაირად მოვემზადებით", - განაცხადა ენრიკემ.
