მანჩესტერ იუნაიტედის კაპიტანმა, ბრუნო ფერნანდეშმა ისაუბრა კრიშტიანუ რონალდუს როლზე პორტუგალიის ამჟამინდელ ნაკრებში. "წითელი ეშმაკების" ლიდერმა კომენტარი გააკეთა იმ მოსაზრებაზეც, თითქოს "ლუზიტანები" ალ ნასრის კაპიტნის გარეშე უკეთ თამაშობენ.
"ვიცი, რომ ხალხი თვლის, თითქოს პორტუგალია რონალდუს გარეშე უკეთ თამაშობს. არსებობს მოსაზრება, რომ მის გარეშე ნაკრების მოთამაშეები თავს გრძნობენ უფრო თავისუფლად და თუ ეს სიმართლეა, ეს ყველაფერი პირველ რიგში ჩვენი ბრალია. უდავოა, კრიშტიანუ უმაღლესი დონის მოთამაშეა.
პორტუგალიელი თავდამსხმელი ჩვენი ნაკრებისთვის აკეთებს ბევრ სასარგებლოს, მაგალითად - მოწინააღმდეგე გუნდის საჯარიმოში უკანახაზელების ყურადღების გადატანა საკუთარ თავზე, ისე რომ სხვებს სივრცე გაუჩნდეს. როგორც სხვა ყველა მოთამაშეს, ეროვნული გუნდისთვის საუკეთესო ალ ნასრის კაპიტანსაც სურს."
