ლეგენდარულმა რუდ გულიტმა მანჩესტერ იუნაიტედი გააკრიტიკა. ვეტერანის თქმით, ეს გუნდი ნიჭიერ ფეხბურთელებს განვითარებაში ხელს უშლის. ნიდერლანდელმა ყოფილმა შუახაზელმა მაგალითისთვის მოიყვანა ალეხანდრო გარნაჩო, რომელიც გასულ ზაფხულს "წითელი ეშმაკებიდან" ლონდონის ჩელსიში გადავიდა.
"გარნაჩო ჩელსიში კარგად თამაშობს და იგივეს ის მანჩესტერშიც აკეთებდა. ახალ გუნდში მას ენდობიან და აძლევენ დროს პოტენციალის წარმოჩენისთვის. იუნაიტედში ალეხანდროს ამის საშუალება არ ჰქონდა. ზოგადად, შთაბეჭდილება მრჩება, რომ პრობლემა კლუბშია და არა მოთამაშეში.
ფაქტია, ყველა ათამაშდა, ვინც "წითელი ეშმაკები" დატოვა. ისინი ხელს უშლიან ახალგაზრდა ფეხბურთელებს განვითარებაში. ვნახოთ, როგორ გაგრძელდება არგენტინელი ვინგერის კარიერა ლონდონში."
