პრემიერ ლიგის ტურის ცენტრალურ შეხვედრაში ლივერპული საკუთარ მოედანზე მანჩესტერ სიტისთან 1:2 დამარცხდა.
მატჩის შემდეგ კომენტარი მერსესაიდელთა ყოფილმა ფეხბურთელმა ჯეიმი კარაგერმა გააკეთა.
"არნე სლოტმა ამ მატჩში არასწორი ტაქტიკური გადაწყვეტილებები მიიღო, რაც შედეგზეც აისახა. ვფიქრობ, ასე გუნდი ხუთეულშიც ვერ შევა და ჩემპიონთა ლიგის მიღმა დარჩება.
თუ დააკვირდებით, ლივერპულის ეს სეზონი სამ ეტაპად იყოფა - თავიდან ისინი ძლივს, ბოლო წუთებზე იგებდნენ ხოლმე, შემდეგ საერთოდ ვერ იგებდნენ და ბევრ ქულას კარგავდნენ. ამას დაემატა სალაჰის თემა.
ახლა კი სიტუაცია შედარებით გამოსწორდა და ბევრ თამაშს აღარ აგებენ, თუმცა ბევრსაც ვერ იგებენ. როცა ასე თამაშობ, შეუძლებელია მაღალ მიზნებზე იფიქრო", - განაცხადა კარაგერმა.
25 ტურის შემდეგ, ლივერპულს 39 ქულა აქვს და სატურნირო ცხრილში მე-6 პოზიციას იკავებს.
