სანაკრებო პაუზის შემდეგ, ეროვნული ლიგა ბრუნდება. მე-5 ტურის ყველა მატჩი დღეს გაიმართება. ტური ცენტრალური მატჩით გაიხსნება, სადაც დინამო თბილისი გორის დილას უმასპინძლებს.
სეზონის მძიმე სტარტის შემდეგ, დილა ხასიათი გამოიკეთა და წინა ტურში ქუთაისის ტორპედო დაამარცხა. ზამთრის სატრანსფერო ფანჯარაზე დილამ ბევრი საკადრო ცვლილება განახორციელა, განახლებულმა გუნდმა კი პირველი ორი ტურის მატჩი წააგო.
დინამო თბილისი იმ იშვიათ გუნდებს მიეკუთვნება, რომელსაც ჯერ მიმდინარე სეზონში მარცხი არ აქვს. ვლადიმერ კაკაშვილის გუნდი აქცენტს წელსაც ახალგაზრდებზე აკეთებს. ორი ფრითა და ერთი მოგებით დინამო ცხრილის ზედა ნაწილშია.
ამ მატჩის პარალელურად, წყალტუბოში ადგილობრივი სამგურალისა და რუსთავის მატჩი გაიმართება. დიდი გამოწვევა ელის დინამო ბათუმს. ჯერჯერობით, სპაერი ამ სეზონის აღმოჩენაა და 9 ქულით ცხრილს ლიდერობს, ბათუმელების მიზანია დებიუტანტების ეს კარგი სვლა შეაჩერონ და სეზონის პირველი გამარჯვება მოიპოვონ.
საინტერესო იქნება ქუთაისში გასამართი მატჩი, სადაც ტორპედო დებიუტანტ მეშახტეს უმასპინძლებს და საკუთარ კედლებში ზედიზედ მეორე მატჩის მოგებას შეეცდება. მოქმედი ჩემპიონი იბერია კი ზედიზედ ორი ვერ მოგების შემდეგ, ცუდი სერიის დასრულებას გაგრასთან აპირებს.
მე-5 ტურის კალენდარი
15:00 დინამო თბილისი - დილა (დინამო არენა, თბილისი)
15:00 სამგურალი - რუსთავი (ტექნიკური ცენტრი, წყალტუბო)
19:00 დინამო ბათუმი - სპაერი (ბათუმი არენა, ბათუმი)
21:00 ტორპედო - მეშახტე (შენგელია არენა, ქუთაისი)
21:00 გაგრა - იბერია (დავით პეტრიაშვილის სტადიონი, თბილისი)
