ზამთრის სატრანსფერო ფანჯრის ბოლო დღეებში ნაპოლიმ საინტერესო ტრანსფერი განახორციელა და ალისონ სანტოსი იჯარის წესით დაიმატა.
სანტოსი სპორტინგის საკუთრებაა. 23 წლის ფეხბურთელს ამ სეზონში 18 მატჩი აქვს ჩატარებული და მხოლოდ 2 საგოლე გადაცემა შესრულებული. ის ნაპოლიში 6-თვიანი იჯარით, გამოსყიდვის უფლებით ითამაშებს.
სანტოსის მოყვანა ნოა ლანგის გუნდიდან წასვლას უკავშირდება. ზუსტად ერთი წლის წინ, ნაპოლი მთავარმა ლიდერმა ხვიჩა კვარაცხელიამ დატოვა.
ამ დროიდან მოყოლებული, კონტე "ახალი კვარას" ძიებაშია. პსჟ-ში გადასვლის შემდეგ, "ახალ კვარად" ნოა ლანგი შერაცხეს, რომელსაც ძალიან ცუდი მატჩები და შედეგები ჰქონდა (1 გოლი, 2 ასისტი) და გალათასარაის მიაშურა.
ახლა კი ამ პოზიციაზე ნაპოლიმ ბრაზილიელი სანტოსი დაიმატა. კონტეს იმედი აქვს, რომ შეტევის ხაზში მიღებულ დანაკლისს სანტოსის ტრანსფერით მაინც შეავსებს.
