პარის სენ-ჟერმენმა მიმდინარე წლის ბოლოს კიდევ ერთი საინტერესო მიღწევა დააფიქსირა. საქმე ისაა, რომ ფრანგული გუნდის მხრიდან გოლის გატანა უკვე მოასწრო 19-მა მოთამაშემ, რაც ევროპის მასშტაბით საუკეთესო შედეგია. პსჟ-ს შემდეგ მოდის ლონდონის ჩელსი (17), 3-ეულს კი ლივერპული ხურავს (14).
რაც შეეხებათ უშუალოდ "ლურჯ-წითლებს", საუკეთესო ბომბარდირი ცხრა გოლით არის გონსალო რამოში, მის შემდეგ კი ექვსი ბურთით ხვიჩა კვარაცხელია და ჟოაო ნევეში მოდიან. 1 გოლით მათ ჩამორჩებიან ვიტინია ფერეირა, ბრედლი ბარკოლა და დეზირე დუე.
ცნობისთვის, მეკარეებსა და ახალგაზრდული გუნდიდან გადმოყვანილ ფეხბურთელებს თუ არ ჩავთვლით, ლუკას ერნანდესი ერთადერთი მოთამაშეა ლუის ენრიკეს გუნდში, რომელსაც მიმდინარე სეზონში გოლი ჯერ არ გაუტანია.
