ანტონიო კონტეს ნაპოლი იტალიის ჩემპიონატის გამარჯვებული გახდა და მომავალ წელს ჩემპიონთა ლიგაზე ითამაშებს.
იყო საუბრები, რომ ამ სეზონის დასრულების შემდეგ, ანტონიო კონტე ნაპოლის დატოვებდა, მიუხედავად იმისა, გახდებოდა თუ არა ჩემპიონი მისი გუნდი.
თუმცა ბოლო ცნობებით, სიტუაცია შეიცვალა და დიდია ალბათობა, კონტე ნაპოლიში მინიმუმ კიდევ ერთი წელი დარჩეს, თან გუნდს დიდი გეგმები აქვს.
დე ლაურენტისი ზაფხულში ხმაურიანი ტრანსფერების განხორციელებას გეგმავს და მისი მიზანია, რომ ახალ სეზონში კიდევ უფრო ძლიერი ნაპოლი ვიხილოთ.
საუბარია კევინ დე ბრუინის, კანგ-ინი ლის, ჯონათან დევიდის და სხვა მაღალი დონის ფეხბურთელების დამატებაზე. პრემიერ ლიგის ერთ-ერთი გამორჩეული ფეხბურთელი ნაპოლისთან უკვე აქტიურ მოლაპარაკებებს აწარმოებს და შესაძლოა, დე ბრუინის სახით ნაპოლიმ ხმაურიანი ტრანსფერი მალევე განახორციელოს. ასევე, იგეგმება დაცვაში გაძლიერებაც.
