ლილო არენაზე King of Drift-ის 2025 წლის სეზონის მესამე ეტაპი, ღამის დრიფტი გაიმართა, რომელიც სანახაობრივი გამოდგა და დათო ჭეიშვილის გამარჯვებით დასრულდა.
ჭეიშვილმა ფინალში აკაკი თვალოძე დაძაბულ ბრძოლაში დაამარცხა და მიმდინარე სეზონში ზედიზედ მეორე ეტაპი მოიგო. მესამე პოზიცია კი საქართველოს სამგზის ჩემპიონმა, გუგა კირვალიძემ დაიკავა.
აღსანიშნავია, რომ ჩემპიონატის ლიდერების, გიორგი კოდუას და მათე როჭიკაშვილის დაპირისპირება TOP 16-ში შედგა, სადაც გამარჯვება მათეს დარჩა, რომელიც TOP 8-ში გუგა კირვალიძემ დაამარცხა და პოდიუმისთვის ბრძოლას გამოთიშა.
King of Drift-ის 2025 წლის სეზონის მე-4 ეტაპი 21 სექტემბერს, ტრადიციულად ლილო არენაზე გაიმართება, ხოლო ჩემპიონატი 2 ნოემბერს, საფინალო რბოლით დასრულდება და გამარჯვებული გამოვლინდება
