კონფერენს ლიგის 1/16 ფინალში ქართველების დაპირისპირება შედგა, სადაც ოთარ კიტეიშვილის შტურმი კანკავა-კაშიას სლოვან ბრატისლავას დაუპირისპირდა.
ავსტრიელები უპირატესობას თავიდანვე დაეუფლნენ, მარტივად, 4:1 დაამარცხეს მოწინააღმდეგე და განმეორებითი მატჩის წინ, ფაქტობრივად, ინტრიგა მოკლეს.
კიტეიშვილმა მორიგი კარგი მატჩი ჩაატარა, აქტიური იყო, თერთმეტმეტრიანი გამოიმუშავა და თავად გაიტანა. კანკავაც და კაშიაც ძირითად შემადგენლობაში იყვნენ.
რაც შეეხება შახტარს, მარსელთან მათ მძიმე ბრძოლა ჰქონდათ. ევროპალიგური მატჩის პირველი ნახევარი უგოლოდ დასრულდა, 64-ე წუთზე კი მარსელი დაწინაურდა, თუმცა შახტარმა მალევე გაათანაბრა ანგარიში. ფრანგები კვლავ დაწინაურდნენ. 93-ე წუთზე უკრაინელები წაგებას გადაურჩნენ და ანგარიში გაათანაბრეს - 2:2.
შახტარის ქართველი მცველი ირაკლი აზაროვი ძირითად შემადგენლბოაში იყო, გიორგი გოჩოლეიშვილი კი მეოდანზე მეორე ტაიმში შემოვიდა.
