როგორც გავლენიანი იტალიური გამოცემები იუწყებიან, ჯან პიერო გასპერინის რომაში ელოდებიან! დიახ, მხარეები გარიგებაზე უკვე რამდენიმე დღეა, რაც მუშაობენ და ბოლო მომენტში რაიმე გაუთვალისწინებელი თუ არ მოხდება, საბოლოო შეთანხმებაც შედგება "ჯალოროსი" გამოცდილ სპეციალისტს 3-წლიან კონტრაქტსა და სოლიდურ ანაზღაურებას სთავაზობს. რომას დროებითმა მთავარმა მწვრთნელმა კლაუდიო რანიერიმ გუნდი უკვე დატოვა.
ჯან პიერო გასპერინი, რომ ატალანტას დატოვებას გეგმავდა, ამის შესახებ რამდენიმე დღის წინ უკვე გაცნობეთ. იმის მიუხედავად, რომ " ლა დეას" იტალიელი მწვრთნელის შენარჩუნება სურდა, 67 წლის სპეციალისტმა ბერგამოს დატოვება მაინც გადაწყვიტა.
იტალიელთან მოლაპარაკებებს აწარმოებდა იუვენტუსიც, თუმცა ამის მიუხედავად, გასპერინიმ რომას სიტყვა მისცა, შესაბამისად, ჯან პიეროს უახლოეს დღეებში იტალიის დედაქალაქში ელოდებიან, სადაც ახალ კლუბთან კონტრაქტს გააფორმებს.
