ფიორენტინა 2:0 პლზენი (ორი მატჩის ჯამში: 2:0)
პირველი მატჩის მსგავსად, ფლორენციაშიც ძირითადი დრო უგოლოდ დასრულდა და დამატებითი ტაიმები დაინიშნა, სადაც ორი გოლი მასპინძლებმა გაიტანეს და შემდეგ ეტაპზე გავიდნენ.
92-ე წუთზე თავი ნიკო გონსალესმა გამოიჩინა, ხოლო 108-ე წუთზე პლზენის კარი კრისტიანო ბირაგიმ აიღო და საბოლოო ანგარიში, 2:0 დააფიქსირა. აღსანიშნავია, რომ 66-ე წუთზე მსაჯმა მოედნიდან კადუ გააძევა და პლზენი 10 კაცით დარჩა.
ლილი 2:1 ასტონ ვილა (ორი მატჩის ჯამში: 3:3)
საფრანგეთში თერთმეტმეტრიანების სერია დაინიშნა, სადაც ასტონ ვილამ საბოლოო ჯამში ლილი დაამარცხა და 1/2 ფინალში გავიდა. მატჩის ძირითადი და დამატებით დრო მასპინძლების გამარჯვებით 2:1 დასრულდა და ორი მატჩს ჯამში გამარჯვებული საფეხბურთო ლატარეაში გადაწყდა.
თერთმეტმეტრიანი დარტყმები უკეთესად ასტონ ვილას ფეხბურთელებმა შეასრულეს (4:3) და კონფერენს ლიგის 2023/24 წლების სეზონის 1/2-ფინალური ეტაპის საგზური მოიპოვეს, სადაც ოლიმპიაკოსსა და ფენერბაჰჩეს შორის გამარჯვებულს შეხვდებიან.
