კონფერენს ლიგის მეორე საკვალიფიკაციო ეტაპის პირველი მატჩი გაიმართა კვიპროსში, სადაც მაყურებელმა ომონიასა და ტორპედო ქუთაისის დაპირისპირება იხილა. 90 წუთის განმავლობაში გუნდებმა ერთმანეთს არაფერი დაუთმეს, თუმცა საბოლოო ჯამში უკეთესი შთაბეჭდილება მაინც მასპინძლებმა დატოვეს.
ომონიამ ქუთაისურ კლუბს მინიმალური ანგარიშით მოუგო. მატჩის ერთადერთი გოლი სტევან იოვეტიჩმა გაიტანა.
გუნდებს შორის განმეორებითი მატჩი 31 ივლისს, თბილისის დროით 21:00 საათზე გაიმართება.
ომონია 1-0 ტორპედო ქუთაისი
გოლი: 1-0 სტევან იოვეტიჩი 20'.
