კონფერენს ლიგა: ოლიმპიაკოსი და ბრიუგე 1/2 ფინალში გავიდნენ

დასრულდა კონფერენს ლიგის 1/4-ფინალური ეტაპის კიდევ ორი განმეორებითი მატჩი, სადაც ოლიმპიაკოსმა და ბრიუგემ 1/2 ფინალის საგზური მოიპოვეს.

ფენერბაჰჩე 1 : 0 ოლიმპიაკოსი (ორი მატჩს ჯამში: 3:3)

დაძაბული მატჩი გაიმართა თურქეთში, სადაც ფენერბაჰჩემ ოლიმპიაკოსი 1:0 დაამარცხა და ორი მატჩის ჯამში, დაპირისპირება თერთმეტმეტრიანების სერიამდე მივიდა.

საფეხბურთო ლატარიაში უკეთესები სტუმარი გუნდის ფეხბურთელები აღმოჩნდნენ - ოლიმპიაკოსმა პენალტების სერია 3:2 მოიგო და 1/2 ფინალში გავიდა.

პაოკი 0 : 2 ბრიუგე (ორი მატჩის ჯამში: 0:3)

მარტივი გამარჯვება მოიპოვა ბრიუგემ საბერძნეთში და კონფერენს ლიგის წლევანდელი სეზონის ტიტულისთვის აგრძელებს ბრძოლას.

ბელგიელმა ფეხბურთელებმა ინტრიგა პირველივე ტაიმში მოკლეს - ფერან ჟუტგლამ 33-ე და 45-ე წუთებზე მეტოქის კარი ორჯერ აიღო და ბრიუგე შემდეგ ეტაპზე გავიდა.

კონფერენს ლიგის 1/2 ფინალი:

ასტონ ვილა V ოლიმპიაკოსი - 2/9 მაისი
ფიორენტინა V ბრიუგე - 2/9 მაისი