არადამაკმაყოფილებელი შედეგების გამო, ვლადიმერ კაკაშვილი დინამო თბილისის მთავარი მწვრთნელის პოსტიდან გაათავისუფლეს.
როგორც ჩვენთვის არის ცნობილი, დინამო თბილისის ახალი მთავარი მწვრთნელი თემურ ქეცბაია იქნება, რომელმაც დედაქალაქურ კლუბთან კონტრაქტი უკვე გააფორმა.
მოგეხსენებათ, ქეცბაია ბოლოს ანორთოსისის მთავარი მწვრთნელი იყო. ქართველი სპეციალისტი დინამო თბილისის გუშინდელ მატჩსაც დაესწრო, სადაც გაგრასთან 1:0 დამარცხდნენ.
პირველ 8 ტურში დინამოს მხოლოდ ერთი მოგება აქვს და 8 ქულით სატურნირო ცხრილში მე-8 პოზიციას იკავებს.
