მთავარი მიზეზი, რის გამოც საქართველოს ნაკრების ფორვარდმა ჟორჟ მიქაუტაძემ მშობლიური ლიონი დატოვა და ვილიარეალს მიაშურა, გუნდის კრიზისული მდგომარეობა იყო.
გასული სეზონის ბოლოს, ლიონი მძიმე ვითარებაში იყო, თუ დავალიანებას არ დაფარავდნენ, ლიგა 1-დან მოიკვეთებოდნენ. გუნდი ლიდერებმა - ჩერკიმ, მიქაუტაძემ, ლაკაზეტიმ და სხვებმა დატოვეს.
ლიონს დავალიანება სრულად კვლავ არ დაუფარავს და ფეხბურთელების გაყიდვითა და სხვადასხვა გზებით, ხელმძღვანელობა ცდილობს, რომ კრიზისიდან ამოვიდნენ.
ამის პარალელურად, ლიონი საოცარ შედეგებს აფიქსირებს და ზედიზედ 12 მოგება დაუგროვდათ, ლიგა 1-ის გასულ ტურში ისინი ნანტს დაუპირისპირდნენ და 0:1 გაიმარჯვეს.
წარმატებულად ასპარეზობენ ევროპა ლიგაზე, სადაც 7 შეხვედრა მოიგეს და პირველი ადგილი დაიკავეს. ლიგა 1-ში კი 42 ქულით მესამე პოზიციას იკავებენ.
ამაში დიდი წვლილი ენდრიკს მიუძღვის. იჯარის წესით რეალიდან მიყვანილმა ბრაზილიელმა ტალანტმა ლიონს თავისი კვალი დაატყო და გუნდის ლიდერად იქცა.
ალბათ, არავინ ელოდა, თუ დიდი დავალიანების მქონე გუნდი, პრობლემების მიუხედავად ამ სეზონში ბრწყინვალე ფორმაში იქნებოდა.
