საკონტინენტთაშორისო თასის ფინალში პსჟ ფლამენგოს დაუპირისპირდა და პენალტების სერიაში დაამარცხა.
2025 წელი პსჟ-სთვის ამ კლუბის არსებობაში საუკეთესო წელი გამოდგა, რადგან პარიზელებმა ყველა შესაძლო ტიტული მოიგეს.
თუმცა არიან ცალკეული ფეხბურთელები, რომლებმაც ისტორია დაწერეს და მსოფლიო ფეხბურთის ისტორიაში გამორჩეული შედეგი დააფიქსირეს.
ვიტინია, ჟოაო ნევეში, გონსალო რამოში, ნუნო მენდეში და ხვიჩა კვარაცხელია გახდნენ ფეხბურთის ისტორიაში პირველი ფეხბურთელები, რომლებმაც ერთ კალენდარულ წელში 7 ტიტული მოიგეს.
ამ ხუთეულმა ერთად საფრანგეთის ლიგა 1, საფრანგეთის თასი, საფრანგეთის სუპერთასი, ჩემპიონთა ლიგა, უეფას სუპერთასი და საკონტინენტთაშორისო თასი მოიგო.
ამას გარდა, მე-7 ტიტული, რომელსაც ნევეში, ვიტინია, რამოში და მენდეში დაეუფლნენ, უეფას ერთა ლიგაა. პორტუგალიის ნაკრებთან ერთად ფინალში მათ ესპანეთი პენალტების სერიაში დაამარცხეს.
რაც შეეხება კვარაცხელიას, კვარამ მე-7 ტიტული ნაპოლისთან ერთად მოიგო. ნაპოლი სერია ა-ს გამარჯვებული გახდა, კვარამ კი იქ ნახევარი სეზონი გაატარა და გუნდის წარმატებაში დიდი წვლილი შეიტანა.
