ძამბროტამ მსოფლიო ჩემპიონობასთან ერთად, საკლუბო დონეზეც მნიშვნელოვან წარმატებას მიაღწია. ის არის იტალიის სამგზის ჩემპიონი, იტალიის სუპერთასის სამგზის გამარჯვებული და ესპანეთის სუპერთასის მფლობელი.
ვეტერანმა ფეხბურთელმა ჩვენთან ინტერვიუში La Gazzetta dello Sport Georgia-ზე, განვლილი კარიერისა და იტალიის მოქმედ ჩემპიონ, ხვიჩა კვარაცხელიაზე ისაუბრა.
რას ფიქრობთ ლა გაძეტა დელო სპორტის საქართველოში შემოსვლაზე და ზოგადად იტალიური გამომცემლობის სხვა ქვეყანაში პოპულარიზაციაზე?
- ეს ძალიან კარგი თანამშრომლობის დასაწყისია, La Gazzetta Dello Sport იტალიისთვის არის ძალიან მნიშვნელოვანი გაზეთი და იმედი მაქვს, რომ საქართველოშიც ასე იქნება. ეს სასიამოვნო თანამშრომლობა იტალიურ და ქართულ სპორტს კიდევ უფრო დააახლოებს და ორივე ქვეყანაში სპორტის სხვადასხვა სახეობის განვითარებას შეუწყობს ხელს. ძალიან მოხარული ვარ საქართველოში სტუმრობით, მეგობრული და სტუმართმოყვარე ხალხი ხართ, აქ ბევრი მეგობარი მყავს და ხშირად ჩამოვდივარ
კახა კალაძესთან ერთად ორი სეზონი გაატარეთ მილანში. რისი თქმა შეგიძლიათ მასზე და რომ გაიხსენოთ მასთან გატარებული პერიოდი
- კახა კალაძესთან ერთად ორი წელი ვთამაშობდი, ჩემი ახლო მეგობარია და ძალიან კარგი ადამიანია. კალაძე მილანისთვის მნიშვნელოვანი ფიგურა იყო. კახა მოედნის მიღმაც გამორჩეული ადამიანია, განსაკუთრებული იუმორის გრძნობით და მაღალი ფასეულობებით
კვარაცხელიას წარმატებული დებიუტი იტალიაში - მის შესახებ რომ გვითხრათ თქვენი აზრი
- ხვიჩა კვარაცხელია არის ნამდვილი ტალანტი, იმავეს ვამბობდი ლიონელ მესიზეც როდესაც ის ბარსელონაში პირველად მოვიდა. ხვიჩა მოედანზე სარისკო გადაწყვეტილებებზე უარს არ ამბობს.
თქვენ გითამაშიათ იუვენტუსსა და მილანში, წელს კი ეს ორი გუნდი ინტერთან ერთად სკუდეტოსთვის ბრძოლაშია ჩართული, ვის გამარჯვებას ვარაუდობთ?
- ჯერ სეზონის შუაში ვართ, ამიტომ ძალიან რთულია რაიმე პროგნოზის გაკეთება. წინ საინტერესო ბრძოლა გველოდება, საქმე გვაქვს სამ ძალიან ძლიერ გუნდთან, ამიტომ გამიჭირდება ფავორიტის დასახელება. ვფიქრობ ბოლო ტურამდე დიდი ბრძოლა იქნება
ბევრ გუნდში გითამაშიათ, საკმაოდ წარმატებული კარიერა გაქვთ, რომელ მწვრთნელს გამოარჩევდით და ვისთან იყო მუშაობა ყველაზე კომფორტული?
- ძალიან რთულია გამოვყო ერთი კონკრეტული მწვრთნელი, რადგან ყველა ძალიან ძვირფასია ჩემთვის და ასევე ყველა ძალიან ძლიერი სპეციალისტია, მაგრამ მაინც და მაინც თუ არჩევანის გაკეთება მიწევს, ვიტყოდი მარჩელო ლიპის. ის იყო მწვრთნელი რომელმაც პოზიცია შემიცვალა და სრულიად ახალ ეტაპზე გადამიყვანა. მასთან მუშაობის დროს, ძალიან დიდი პროგრესი მქონდა. მარჩელოსთან ერთად, კარიერაში ყველაზე მნიშნელოვანი ტიტულის მოპოვება შევძელი. ეს იყო 2006 წელს მსოფლიო ჩემპიონატის მოგება
2006 წლის მსოფლიო ჩემპიონი ხართ იტალიის ნაკრებთან ერთად. რა გრძნობაა ასეთი ტიტულის მოპოვება?
- იტალიას გრძელი და მშრალი სერია ჰქონდა, 1982 წლიდან ტიტული არ გვქონდა მოგებული და 2006-ში გამარჯვებამ ჩვენ ძალიან დიდი სიხარული მოგვიტანა, ეს იყო დიდი გამარჯვება როგორც ფეხბურთელებისთვის, ისე მთლიანად ქვეყნისთვის. ეს იმდენად დიდი ტიტულია, დღემდე ვერ აღვწერ თუ რამხელა სიხარულის მომტანი იყო ეს წარმატება იმ დროს. დღემდე დიდი ემოციებით ვსაუბრობ 2006 წლის ჩემპიონატზე. მას შემდეგ ამ სიხარულს გულში ვინახავ და დარწმუნებული ვარ ყველას ცხოვრების ბოლომდე გაგვყვება, როგორც ფეხბურთელებს ისე ხალხსაც. ეს იყო დაუვიწყარი ემოცია
საუკეთესო ფეხბურთელი რომლის გვერდითაც გითამაშიათ?
- ისევე როგორც მწვრთნელზე, აქაც გამიჭირდება ერთი კონკრეტულის გამოყოფა, რადგან ძალიან დიდ და ლეგენდარულ ფეხბურთელებთან მქონდა შეხება მთელი კარიერის განმავლობაში. თუმცა თუ ერთის არჩევაზე მიდგა საქმე, მაინც ვიტყოდი ლიონელ მესის. ბარსელონაში მასთან ერთად ორი სეზონი გავატარე, მაშინ ის ჯერ კიდევ 21 წლის იყო და მისი ტალანტის დანახვა, თავიდანვე შესაძლებელი იყო. ასაკის მიუხედავად, ყველა ვხედავდით თუ რისი გაკეთება შეეძლო მოედანზე ბურთთან ერთად
- ძალიან რთულია გამოვყო ერთი კონკრეტული მწვრთნელი, რადგან ყველა ძალიან ძვირფასია ჩემთვის და ასევე ყველა ძალიან ძლიერი სპეციალისტია, მაგრამ მაინც და მაინც თუ არჩევანის გაკეთება მიწევს, ვიტყოდი მარჩელო ლიპის. ის იყო მწვრთნელი რომელმაც პოზიცია შემიცვალა და სრულიად ახალ ეტაპზე გადამიყვანა. მასთან მუშაობის დროს, ძალიან დიდი პროგრესი მქონდა. მარჩელოსთან ერთად, კარიერაში ყველაზე მნიშნელოვანი ტიტულის მოპოვება შევძელი. ეს იყო 2006 წელს მსოფლიო ჩემპიონატის მოგება
2006 წლის მსოფლიო ჩემპიონი ხართ იტალიის ნაკრებთან ერთად. რა გრძნობაა ასეთი ტიტულის მოპოვება?
- იტალიას გრძელი და მშრალი სერია ჰქონდა, 1982 წლიდან ტიტული არ გვქონდა მოგებული და 2006-ში გამარჯვებამ ჩვენ ძალიან დიდი სიხარული მოგვიტანა, ეს იყო დიდი გამარჯვება როგორც ფეხბურთელებისთვის, ისე მთლიანად ქვეყნისთვის. ეს იმდენად დიდი ტიტულია, დღემდე ვერ აღვწერ თუ რამხელა სიხარულის მომტანი იყო ეს წარმატება იმ დროს. დღემდე დიდი ემოციებით ვსაუბრობ 2006 წლის ჩემპიონატზე. მას შემდეგ ამ სიხარულს გულში ვინახავ და დარწმუნებული ვარ ყველას ცხოვრების ბოლომდე გაგვყვება, როგორც ფეხბურთელებს ისე ხალხსაც. ეს იყო დაუვიწყარი ემოცია
საუკეთესო ფეხბურთელი რომლის გვერდითაც გითამაშიათ?
- ისევე როგორც მწვრთნელზე, აქაც გამიჭირდება ერთი კონკრეტულის გამოყოფა, რადგან ძალიან დიდ და ლეგენდარულ ფეხბურთელებთან მქონდა შეხება მთელი კარიერის განმავლობაში. თუმცა თუ ერთის არჩევაზე მიდგა საქმე, მაინც ვიტყოდი ლიონელ მესის. ბარსელონაში მასთან ერთად ორი სეზონი გავატარე, მაშინ ის ჯერ კიდევ 21 წლის იყო და მისი ტალანტის დანახვა, თავიდანვე შესაძლებელი იყო. ასაკის მიუხედავად, ყველა ვხედავდით თუ რისი გაკეთება შეეძლო მოედანზე ბურთთან ერთად
