ჩემპიონთა ლიგის 1/4 ფინალში გამართული მატჩი პსჟ-სა და ლივერპულს შორის, მასპინძელთა გამარჯვებით 2:0 დასრულდა.
მატჩის საუკეთესო ფეხბურთელი ხვიჩა კვარაცხელია იყო, რომელმაც ბრწყინვალე მატჩი ჩაატარა და გოლიც გაიტანა.
კვარამ ისტორიული რეკორდი დაამყარა და გახდა პსჟ-ს პირველი ფეხბურთელი, ვინც ჩემპიონთა ლიგის ფლეი-ოფში ზედიზედ 4 მატჩში გაიტანა.
ქართველმა შემტევმა 1/16 ფინალში მონაკოს კარი აიღო, 1/8 ფინალში ჩელსის ორივე შეხვედრაში გაუტანა, ახლა კი 1/4 ფინალურ ეტაპზე გამოიჩინა თავი. მსგავსი შედეგი აქამდე პსჟ-ს არცერთ მოთამაშეს არ ჰქონია.
ჩემპიონთა ლიგის მიმდინარე სეზონში კვარაცხელიას ანგარიშზე 8 გოლი და 4 საგოლე გადაცემაა.
