საფრანგეთის ჩემპიონატში გამართული მატჩი პსჟ-სა და ლანსს შორის, მასპინძელთა მარტივი გამარჯვებით 2:0 დასრულდა.
მატჩის გმირი ბრედლი ბარკოლა გახდა, რომელმაც დუბლი შეასრულა, თან ორივე გოლი ვიტინიას საგოლე გადაცემით.
სამწუხარო ის არის, რომ პსჟ-ს ქართველმა შემტევმა ხვიჩა კვარაცხელიამ ტრავმა მიიღო და მოედანი 30-ე წუთზე დატოვა. ჯერჯერობით, კვარას ტრავმის სიმძიმე უცნობია.
4 ტურის შემდეგ, ლუის ენრიკეს გუნდს ოთხივე მოგება აქვს და სატურნირო ცხრილის ლიდერია.
