"ჩვენ გვინდა შევქმნათ კონკურენტუნარიანი ლიგა. ჩვენი სურვილია, რომ 2025/26 სეზონში მზად ვიყოთ დასაწყებად. ინგლისური კლუბები შემოგვიერთდებიან თუ არა, ეს არ მაინტერესებს. ჩვენს ლიგაში მონაწილე თითოეული კლუბი, სეზონის წინ 100 მილიონს მიიღებს. ამ თანხას ისინი ჩემპიონთა ლიგის მოგების შემთხვევაშიც კი ვერ გამოიმუშავებენ".
ლაპორტას განცხადებით, სუპერ ლიგაში გაწევრიანების სურვილი უკვე ბევრმა კლუბმა გამოთქვა.
"ინტერი, მილანი, ნაპოლი, რომა, მარსელი, ბენფიკა, პორტო, სპორტინგი, აიაქსი, ფეინოორდი, პსვ, ანდერლეხტი, ბრიუგე და ყველა ლა ლიგის კლუბი ატლეტიკო მადრიდის გარდა - ისინი მზად არიან სუპერ ლიგას შემოუერთდნენ".
ამ განცხადების გაკეთებიდან რამდენიმე საათში იტალიურმა რომამ საპასუხო განცხადება გაავრცელა, სადაც ბარსელონას პრეზიდენტის სიტყვები უარყო.
"რომა მხარს არ უჭერს სუპერ ლიგას და ჩვენ არ ვაპირებთ ამ ორგანიზაციაში გაწევრიანებას. რომა უარყოფს ლაპორტას მიერ გაკეთებულ განცხადებას. ჩვენ არასდროს შეგვიცვლია ჩვენი პოზიცია ამ საკითხთან დაკავშირებით, არასდროს გვქონია სუპერ ლიგასთან მოლაპარაკებები და ჩვენ მხარს ვუჭერთ უეფას და ფიფას მიერ ორგანიზებულ ტურნირებს".
