მორიგი გამარჯვება მოიპოვა ლივერპულში მიმდინარე მსოფლიოს ჩემპიონატზე ლაშა გურულმა. ქართველმა მოკრივემ, 65 კგ. წონითი კატეგორიის მერვედფინალში ირლანდიელი დინ ქლენსი დაამარცხა. გურული ამ გამარჯვებით, მსოფლიო ჩემპიონატის მეოთხედფინალში გავიდა.
ქართველი მოკრივის მორიგი მეტოქე ინდოელი აბჰინას ჯამვალი იქნება. მეოთხედფინალური დაპირისპირება 10 სექტემბერს გაიმართება.
შეგახსენებთ, ლაშა გურული ასპარეზობაში 1/16 ფინალიდან ჩაერთო, სადაც საუდის არაბეთის წარმომადგენელი მუსა ალ ჰავსავს სძლია.
დღესვე, ტურნირის მე-6 საშეჯიბრო დღეს, რინგზე საქართველოს ნაკრებიდან სახილ ალახვედროვი (50კგ.) გავიდა და იაპონელ სოუში მაკინოსთან წააგო.
რამდენიმე წუთში გიორგი ყუშიტაშვილი (85კგ.) ყაზახ ბეკზად ნურდაულეტოვს დაუპირისპირდება.
