თბილისში, ძიუდოს 2026 წლის ევროპის ჩემპიონატის მეორე საჭიდაო დღე მიმდინარეობს და ფინალურ ბლოკში ოქროს მედლის მოპოვების შანსი აქვს ლაშა შავდათუაშვილს.
ოლიმპიური თამაშების, მსოფლიოსა და ევროპის ჩემპიონმა ასპარეზობა მეორე წრიდან დაიწყო და ფინელი ოლინი დაამარცხა, ხოლო შემდეგ ეტაპზე ტრავმის გამო რუმინელი ბორს დუმიტრეშკუ არ გამოუცხადდა და 1/4 ფინალში გავიდა, სადაც კოსოვოელ გიაკოვას აჯობა. 1/2 ფინალში ტიტულოვანმა ქართველმა ძიუდოისტმა მოქმედ მსოფლიო ჩემპიონს, ფრანგ გაბას იპონით მოუგო და ფინალის საგზური მოიპოვა.
ფინალში ლაშა შავდათუაშვილის მეტოქე მოქმედ ოლიმპიურ ჩემპიონ, აზერბაიჯანელ ჰეიდაროვს და თურქ ჩილოღლუს შორის გამარჯვებული იქნება. ფინალური ბლოკი სტარტს 16 საათზე აიღებს.
