მშობლიურ ტრასაზე ფერარი განახლებებით ჩავიდა, რომელზეც გუნდი რამდენიმე კვირის განმავლობაში აქტიურად მუშაობდა და ახალ ბოლიდს სწორედ იტალიაში გამოცდიან.
ემილია რომანიას გრან პრის ორი პრაქტიკა უკვე გაიმართა და ორივე სწორედ ფერარის პილოტის, შარლ ლეკლერის, გამარჯვებით დასრულდა. როგორც ჩანს, განახლებები მუშაობს, რაც მონეგასკმა პილოტმაც დაადასტურა:
"პოზიტიური დღე იყო და ყველაფერი გეგმის მიხედვით დასრულდა. ბოლიდზე განახლებები კარგად მუშაობს და ველოდებით, რომ კვირას გამარჯვებისთვის ვიბრძოლებთ."
მიმდინარე სეზონში ფერარიმ მხოლოდ ერთი, ავსტრალიის გრან პრის, მოგება მოახერხა და კონსტრუქტორთა დავაში ლიდერს, რედ ბულს 52 ქულით ჩამორჩება.
