საფრანგეთის ტოპ 14-იოს მეორე ტურში, საქართველოს ეროვნული ნაკრების ვარსკვლავმა, დავით ნინიაშვილმა ლა როშელის რიგებში სადებიუტო მატჩი ჩაატარა.
23 წლის ბორჯღალოსანმა კლერმონის წინააღმდეგ მატჩი ძირითადი შემადგენლობიდან დაიწყო და შეუცვლელად ითამაშა, 78-ე წუთზე კი ახალ გუნდში პირველი ლელო დადო. საბოლოო ჯამში, ლა როშელმა 34-16 მოიგო.
შეგახსენებთ, რომ დავით ნინიაშვილმა გასულ ზაფხულში ლიონი დატოვა და კონტრაქტი ლა როშელთან გააფორმა. 2 მატჩის შემდეგ, ქართველი მორაგბის გუნდს 5 ქულა აქვს და მე-6 ადგილზე იმყოფება. მომდევნო ტურში ლა როშელი ტულონს ესტუმრება.
