როგორც გავლენიანი გერმანული წყაროები წერენ, ალონსოს მიმართ ინტერესს რეალ მადრიდი და მანჩესტერ სიტი იჩენენ, თუმცა ეს ორი კლუბი მხოლოდ იმ შემთხვევაში გააქტიურდება, თუ კარლო ანჩელოტი და პეპ გუარდიოლა მწვრთნელის პოსტს დატოვებენ. იტალიელ სპეციალისტს სამეფო კლუბთან კონტრაქტი 2026 წლამდე აკავშირებს, ხოლო რაც შეეხება ესპანელს, მისი კონტრაქტი სეზონის ბოლოს იწურება, მხარეები კი ახალ ხელშეკრულებაზე ამ დრომდე ვერ თანხმდებიან.
მთავარი მიზეზი რის გამოც, ლევერკუზენი ჩაბი ალონსოს წასვლას წინასწარ შეეგუა, კონტრაქტში ჩაწერილი გამოსასყიდი თანხაა — როგორც კლუბთან დაახლოებული წყაროები წერენ, გამოსასყიდი თანხა €10 მილიონზე მეტია, ეს თანხა კი არც რეალ მადრიდისთვის წარმოადგენს პრობლემას და არც მანჩესტერ სიტისთვის.
ალონსო ლევერკუზენში 2022 წლის 5 ოქტომბრიდან მოყოლებული მუშაობს. ამ დროში ესპანელმა გერმანიის ბუნდესლიგის, ქვეყნის თასისა და სუპერთასის მოგება მოახერხა.
