მოგეხსენებათ, ეს გუნდები გასულ სეზონში ჩემპიონობისთვის იბრძოდნენ, საბოლოოდ გამარჯვებული იბერია გამოდგა. იბერიას და ტორპედოს მიზანი წელსაც ჩემპიონობაა.
ამ დაპირისპირებას ორმაგ ინტერესს გიორგი კოხრეიძე სძენს. იბერიასთან ერთად მოგებული ტიტულის შემდეგ, კოხრეიძემ გუნდი დატოვა და ტორპედოში გადავიდა. დღეს კი ყოფილი გუნდის წინააღმდეგ შეეცდება თავის გამოჩენას.
აღსანიშნავია, რომ პირველ ტურში ორივე გუნდმა გაიმარჯვა. იბერიამ თელავი, ხოლო ტორპედომ გაგრა დაამარცხა.
დღეს ტურის კიდევ ერთი შეხვედრა გაიმართება, სადაც თელავი კოლხეთს უმასპინძლებს. სავარაუდოდ, ეს გუნდები წელს დარჩენისთვის იბრძოლებენ და ყველა ქულა მნიშვნელოვანი იქნება.
ეროვნული ლიგის მე-2 ტური:
5 მარტი - იბერია-ტორპედო 19:00
5 მარტი - თელავი-კოლხეთი 19:00
6 მარტი - გაგრა-დილა 17:00
6 მარტი - დინამო თბილისი-სამგურალი 19:00
6 მარტი - გარეჯი-დინამო ბათუმი 20:00
