Livefoot-მა ზურიკო დავითაშვილს სტატია მიუძღვნა. ფრანგული გამოცემა მიიჩნევს, რომ ახალგაზრდა გარემარბის ადგილი ლიგა 2-ში არ არის. შეგახსენებთ, რომ ახალი სეზონის დაწყებისთვის ქართველმა ვინგერმა თავის გამოჩენა უკვე მოასწრო, მეორე ტურის შეხვედრაში როდეზთან.
"დავითაშვილს სენტ-ეტიენის დატოვება სურს. ლიგა 2-ში არ არის მისი ადგილი, თუმცა მის ტრანსფერზე არცერთი გუნდი არ მუშაობს. ზურიკო მიიჩნევა ერთ-ერთ ყველაზე პერსპექტიულ მოთამაშედ და ბოლო თვეებში მას ძალიან კარგი შედეგებიც ჰქონდა. წასვლის სურვილის მიუხედავად, საკმაოდ მაღალია იმის ალბათობა, რომ ქართველი ვინგერი "მწვანეებში" დარჩეს."
გავრცელებული ინფორმაციით, "წმინდანები" თავიანთი ლიდერის სანაცვლოდ ითხოვენ მინიმუმ 20 მილიონ ევროს, რაც მის ტრანსფერს პრაქტიკულად არარეალურს ხდის. აქვე დავამატებთ, ერთი წლის წინ, გიშარის ბინადრებს 24 წლის მოთამაშის გაფორმება 6 მილიონი დაუჯდათ.
