პაულო ფონსეკამ აღნიშნა, რომ ფრანგ თავდამსხმელს ჯერ კიდევ აწუხებს ტკივილები და ის გარისკვას არ აპირებს. რაც შეეხება პსჟ-ს შემტევს, ჩემპიონთა ლიგაზე ბრესტის წინააღმდეგ შთამბეჭდავი მატჩის შემდეგ, საკმაოდ მაღალია იმის ალბათობა, რომ ის ძირითადში კვლავ ვიხილოთ. ქართველმა ვინგერმა "მეკობრეებთან" გოლს + ასისტი მიითვალა.
თუ რაიმე გაუთვალისწინებელი არ მოხდა, პარიზული გუნდის თავდასხმაში კვლავ ვიხილავთ საქართველოს ნაკრების შვიდიანის, ოსმან დემბელესა და ბრედლი ბარკოლას ტრიოს. შეგახსენებთ, რომ პირველ წრეში გამართული მატჩი მოიგეს "ლურჯ-წითლებმა", ანგარიშით 3:1 და "ლომების" მხრიდან ის ერთადერთი ბურთი სწორედ მეცის ექს-ფორვარდმა შეაგდო.
