ლივერპულის 2013/2014 წლების სეზონი - სტივენ ჯერარდის მოსრიალება, ხელიდან გაშვებული ჩემპიონობა და ლუის სუარესი-დანიელ სტარიჯის 55-ბურთიანი შოუ. ეს არის მერსისაიდელთა 11-წლის წინანდელი სეზონის მოკლე მიმოხილვა. ამ ყველაფრის გარდა, ის სეზონი საინტერესო კიდევ ერთი დეტალის გამო იყო.
"წითლებმა" განახორციელეს რვა ტრანსფერი და საერთო ჯამში 44 მილიონი გირვანქა სტერლინგი დახარჯეს. ახალწვეულებს შორის იყვნენ ლუის ალბერტო, იაგო ასპასი, ალი სისოკო, ტიაგო ილორი, სიმონე მინოლე და ვიქტორ მოზესი, მამადუ სახო და კოლო ტურე. რა არის უცნაური მოთამაშეთა ამ ჩამონათვალში?
საქმე ისაა, რომ ენფილდზე გადასვლიდან 12 წლის შემდეგ, ამ სიის ორი ფეხბურთელი ეროვნულ ლიგაში აღმოჩნდა. საუბარია სახოსა და ილორის შესახებ. ფრანგმა უკანახაზელმა ლივერპულის შემდეგ მოიარა კრისტალ პალასი და მონპელიე, 2024 წლის ზაფხულში კი ის ტორპედოში აღმოჩნდა.
მამადუმ ქუთაისში ჩაატარა 19 მატჩი, თუმცა რამდენიმე კვირის წინ, მან გუნდი ოფიციალურად დატოვა. რაც შეეხება პორტუგალიელ უკანახაზელს, მერსისაიდში მან ჩაატარა სულ რაღაც 3 შეხვედრა, რის შემდეგაც არაერთი კლუბი მოიარა. ტიაგო ასტონ ვილასა და სპორტინგშიც ირიცხებოდა.
2025 წლის მარტიდან კი "წითლების" ყოფილი ცენტრალური მცველი გადავიდა გორის დილაში და ამ დროისთვის მან შვიდი მატჩის ჩატარება მოასწრო. აქვე დავამატებთ, ენფილდის ბინადრებმა პარის სენ-ჟერმენის ექს-კაპიტანში გადაიხადეს 15 მილიონი ფუნტი, ლისაბონელთა ყოფილ 34-ე ნომერში კი 7 მილიონი ფუნტი.
