Teamtalk-ი გიორგი მამარდაშვილის ლივერპულში არსებულ მდგომარეობას შეეხო. გამოცემა წერს, რომ ახალგაზრდა მეკარე უკმაყოფილოა სათადარიგოთა სკამზე ყოფნით და ზაფხულში ის მერსისაიდის დატოვებაზე იფიქრებს.
"მაშინ, როცა სათამაშო დროს ლივერპულის ყველა ახალწვეული იღებს, გამონაკლისი მხოლოდ მამარდაშვილია, ვის სანაცვლოდაც 30 მილიონია გადახდილი. გიორგი სულ უფრო უკმაყოფილოა მერსისაიდში ალისონის შემცვლელის როლით. მიუხედავად იმისა, რომ ევროპის ერთ-ერთი ყველაზე პერსპექტიული გოლკიპერის რეპუტაციით სარგებლობდა, ქართველმა კარის დარაჯმა "წითლებში" სათამაშო დრო ვერ მიიღო.
ბეკერმა თავის მხრივ ამ სეზონში კვლავ დაამტკიცა, რომ მსოფლიოში ერთ-ერთი საუკეთესოა. ვალენსიას ყოფილ მეკარეს თამაშის საშუალება არც სათასო ტურნირებში მიეცა. ენფილდის ბინადრები ლიგის თასს მე-4 რაუნდში გამოეთიშნენ, ორი კვირის წინ, ინგლისის თასზე ბრაიტონთან გამართულ შეხვედრაში კი მოულოდნელად, სლოტმა არჩევანი ისევ ბრაზილიელ გოლკიპერზე გააკეთა."
