ბრედ ფრიდელმა ლივერპულის მეკარეებზე ისაუბრა. ვეტერანი ფეხბურთელის თქმით, ალისონ ბეკერი უკონკურენტოდ ნომერ პირველია, მაგრამ მერსისაიდელებმა მის შემცვლელზე უნდა იფიქრონ. ამერიკელ ექს-გოლკიპერს ეჭვი ეპარება იმაში, რომ ბრაზილიელი კარის დარაჯის შეცვლა გიორგი მამარდაშვილს შეუძლია.
"ლივერპულმა უნდა დაიწყოს, თუ უკვე არ დაუწყია ალისონის შემცვლელის ძებნა. ადრე თუ გვიან, ის წავა, თუმცა ამ ეტაპზე ნომერ პირველი გოლკიპერი სწორედ ბეკერია. რაც შეეხება მამარდაშვილს, რთული სათქმელია, თუ რამდენად კარგი კარის დარაჯი დადგება მერსისაიდელთათვის ის.
გიორგის არ ჩაუტარებია ბევრი მატჩი, თუმცა თუ მაინც შევაფასებ მის თამაშებს, ვიტყვი, რომ დრო სჭირდება. შეუძლია მას ჩემპიონთა ლიგასა და ინგლისის ჩემპიონატში ზედიზედ რამდენიმე კარგი შეხვედრის ჩატარება? ჯერ არ ვიცით", - განაცხადა "წითლების" ექს-გოლკიპერმა.
