ქართველი ძიუდოისტი ლუკა მაისურაძე (-90 კგ.) მსოფლიოს ჩემპიონატზე ბრინჯაოს მედლისტის იბრძოლებს. . უნგრეთის დედაქალაქ ბუდაპეშტში მიმდინარე შეჯიბრებაზე ლუკა ნახევარფინალში იაპონელ სანშირო მურაო დაუპირისპირდა და წააგო.
ქართველი ბრინჯაოსთვის გადამწყვეტ შეხვედრაში იტალიელ კომი კენი ბედელს შეხვდება, რომლმაც დღეს მერვედფინალში ლაშა ბექაურს მოუგო.
მაისურაძემ პირველ დაპირისპირებაში აზერბაიჯანელ ვუგარ ტალიბოვი დაამარცხა, შემდეგ იტალიელ კრისტიან პარლატის სძლია, მორიგ შეხვედრაში დავიდ კლამერტს მოუგო, მეოთხედფინალში კი ესტონელი კრისტოფერ კლენ კალჟულაიდი დაამარცხა.
2023 წელს მსოფლისო ჩემპიონატზე ქართული ფინალი შედგა, ლუკა მაისურაძესა და ლაშა ბექაურს შორის, მაშინ ჩემპოონობა მაისურაძემ იზეიმა, ლუკას ანგარიშზე მსოფლიოს ჩემპიონატიდან ასევე ბრინჯაოს 2 მედალია, (2019, 2022) ბექაურს მსოფლიოს პირველობაზე ვერცხლისა და ბრინჯაოს მედალი (2022) აქვს მოპოვებული.
ფინალური ბლოკი თბილისის დროით, 20:00 საათიდან აიღებს სტარტს.
შეგახსენებთ, ძიუდოს მსოფლიო ჩემპიონატი 13 ივნისს დაიწყო, ამ დროისთვის საქართველოს ძიუდოისტთა ნაკრების ანგარიშზე 2 მედალია. ეთერ ლიპარტელიანი (57 კგ) გახდა პირველი ქართველი ქალი მსოფლიოს ჩემპიონი ძიუდოისტი, ტატო გრიგალაშვილმა კი საქართველოს ნაკრებს ვერცხლის მედალი მოუტანა.
ფოტო: ძიუდოს საერთაშორისო ფედერაცია
