კარიერაში მე-4 მედალი მოიპოვა მსოფლიოს ჩემპიონატზე ლუკა მაისურაძემ. უნგრეთის დედაქალაქ ბუდაპეშტში მიმდინარე შეჯიბრებაზე ქართველი ძიუდოისტი ლუკა მაისურაძემ (-90 კგ.) ბრინჯაოს მედლისთვის გადამწყვეტ შეხვედრაში იტალიელ კომი კენი ბედელს იპონით მოუგო. კომიმ დღეს მერვედფინალში ლაშა ბექაური გამოთიშა ასპარეზობას, ლუკამ კი რევანშის აღება შეძლო.
მაისურაძემ პირველ დაპირისპირებაში აზერბაიჯანელ ვუგარ ტალიბოვი დაამარცხა, შემდეგ იტალიელ კრისტიან პარლატის სძლია, მორიგ შეხვედრაში დავიდ კლამერტს მოუგო, მეოთხედფინალში კი ესტონელი კრისტოფერ კლენ კალჟულაიდი დაამარცხა.
2023 წელს მსოფლიოს ჩემპიონატზე ქართული ფინალი შედგა, ლუკა მაისურაძესა და ლაშა ბექაურს შორის, მაშინ ჩემპიონობა მაისურაძემ იზეიმა, ლუკას ანგარიშზე მსოფლიოს ჩემპიონატიდან 1 ოქროს უკვე ბრინჯაოს 3 მედალია, (2019, 2022, 2025).
ხვალ აღნიშნულ ტურნირზე საქართველოს ნაკრებიდან ილია სულამანიძე (-100 კგ.) იასპარეზებს.
შეგახსენებთ, ძიუდოს მსოფლიო ჩემპიონატი 13 ივნისს დაიწყო, ამ დროისთვის საქართველოს ძიუდოისტთა ნაკრების ანგარიშზე 3 მედალია. ეთერ ლიპარტელიანი (57 კგ) გახდა პირველი ქართველი ქალი მსოფლიოს ჩემპიონი ძიუდოისტი, ტატო გრიგალაშვილმა საქართველოს ნაკრებს ვერცხლის მედალი მოუტანა, ბრინჯაო კი ლუკა მაისურაძის ანგარიშზეა.
